Kampionati i Kosovës në automobilizëm vazhdon në këtë fundjavë, konkretisht të dielën, me garën në disiplinën e auto sllallomit, e cila do të mbahet në Drenas.
Auto Klubi Drenica në bashkëpunim me Federatën e Auto Sportit të Kosovës (FASK) është në përgatitje e sipër, për një garë sa më cilësore, ndërsa duke marrë parasysh se auto sllallomi po bëhet disiplinë gjithnjë e më atraktive për dashamirët e auto sportit në Kosovë, pritet që numri i pjesëmarrësve, por edhe i shikuesve të jetë i madh.