Pjesëmarrja e garuesve tanë në FIA Motorsport Games, që po mbahen në Marsejë të Francës deri më tani është mjaft e mirë.
Në disiplinën e auto sllallomit Ermira Topalli e Valon Jaha janë paraqitur shumë mirë. Në vozitjet kualifikuese ata janë renditur në pozitën e 10-të nga 25 shtete pjesëmarrëse.
Ekziston optimizëm i përgjithshëm që në garën e radhës (nesër) Ermira e Valoni të renditen edhe më mirë.
Tri pozitat e para iu takuan Gjermanisë, Hungarisë e Letonisë.